Diana Rebsamen

Liebi Di, Denke so viel a dich, und bald sinds scho 3 Jahr sit du die Welt verlah hesch, und witer gange bisch. Ich hoffe dass du glücklich bisch, din Friede hesch, und vilicht ab und zu euis chunsch go bsuche. Falls min Nonno und Zio gsesch, gibne e festi Umarmig, und pass doch bitte uf all mini Tierli uf wo scho vorgange sind. Ha di gern Sarah (CJ)

Grüße ins Licht

Ich han erscht viel später devo erfahre und dänke grad fescht a die schön Fründschaft wo mir damals gha händ. Au im Teenager-Alter. Ich han so einiges vo dim starke Charakter abgluegt und mitgnoh und du bisch immer so herzlich und präsent gsi. Mir hend eus danach au lang nüm gseh, eimal no im ca 2016. Wow…liebi Di, du bisch ganz e bsunderigi Person ❤️ Ich wünsche Dir vo Herze Friede. 🙏

Liebi Di, Vor langer Ziit, wo mir Teenies gsi sind, simmer unzertrennlich gsi, i minere Welt bisch du min Mittelpunkt gsi und ich dine. Au wen mehr spöter nüm so vil Kontakt gha hend wie frühner, a euisi engi Fründschaft han mi immer gern zrug errinnert. Gse hemer euis letscht Mal im 2015 und ich weiss no wie gstrahlt hesch wo mich gse hesch. Ich wünscht mir so het dich zum Abschied no enger umarmt. Wird dich nie vergesse Di, wo au immer bisch ich hoffe dini Seel isch frei und Glücklich. Ich hoffe dass mehr euis irgendwen wieder derfed gse, aber denn umarm ich dich länger und fester♥️ Ruh i Friede